Квалитетното спиење е особено важно за нашето здравје. Современиот начин на живот честопати не ни дозволува да спиеме онолку колку што би сакале и затоа експертите честопати нè охрабруваат да надоместиме. Но, што е со луѓето кои премногу спијат? прашува порталот ScienceAlert.

“Се чини дека оптималното количество на сон е солидни седум часа. За секој час помалку има штетни последици, но има и за секој час повеќе”, рече др. Лин Калдвел од Одделот за невропсихологија на Центарот за поморски истражувања на САД, кој ги сумираше резултатите од бројните студии на оваа тема.

Негативните здравствени последици, рече таа, вклучуваат многу болести на животниот стил, како што се дијабетес, дебелина и срцеви проблеми. Прекумерниот сон, во комбинација со слаба физичка активност, е исто така поврзан со зголемена смртност.

Важно е да се напомене дека сите податоци собрани од овие студии се обсервациски, што значи дека тие се добиени со набљудување на луѓе со различни образци на спиење и споредување на нивните здравствени последици. Истражувањата не го продолжија експериментално спиењето, што значи дека всушност нема експериментални податоци што го поврзуваат прекумерниот сон со зголемената смртност.

“Проблемот со толкувањето на тезата дека предолгиот сон е лош лежи во фактот дека не знаеме зошто оние кои претерано спијат имаат лош исход. Можеби спијат премногу долго затоа што имаат медицински проблем што бара подолг сон”, рече Д-р Џејми Зицер, експерт на Универзитетот Стенфорд.

Повеќето лекари се согласуваат дека може да има и други фактори кои го поврзуваат предолгиот сон со негативни резултати, но не е јасно кои се овие фактори.

“Најверојатно објаснување е дека постои одредена состојба на болест што доведува до прекумерен сон, а не обратно. Но, без докази добиени со експерименти, тоа е како проблемот со кокошката и јајцето”, вели др. Вилијам Килгор од Универзитетот во Аризона.

Добрата работа е што предолгото спиење, најверојатно, не е штетно само по себе. Експертот за проблеми со спиењето др. Џејмс Вер од Медицинскиот факултет во Источна Вирџинија тврди дека е невозможно да се предозира сонот.

„Лицето, наместо тоа, ќе лежи будно во кревет или едноставно ќе стане.“

На секое лице му треба различна количина на сон за нормално функционирање.

„Препорачуваме седум до осум часа сон на повеќето возрасни лица, но можноста индивидуата да остане концентрирана и функционална цел ден, особено по оброкот, е добар показател за должината на спиењето“, рече др. Вивиен Абад, експерт од Стенфорд.

И, конечно, промените во моделот на спиење можат да ви помогнат да откриете потенцијални промени во вашето здравје.

„Ако ви требаат повеќе од седум часа сон за ефикасно функционирање, или ако вашата количина на сон е драматично зголемена, можеби ќе треба да му кажете на вашиот лекар. Повеќе сон самостојно нема да ви наштети, но може да укаже на друг проблем, “појаснил д-р. Килгор.