Како наодите од истрагата против новинарот Мартин Башир кој го правеше интервјуто со принцезата Дајана ќе влијаат на иднината на Би-Би-Си?

Ова е криза која достигнува до сржта на ДНК-та на Би-Би-Си – вредностите на интегритет и правичност, односно вредностите кои ја градеа нивната репутација низ светот.

Измамата за интервјуто може да ги врати четвртина век, но има неодговорени прашања што претставуваат огромна опасност за корпорацијата.

Во својот прв говор по стапувањето на функцијата извршен директор по скандалот со Џими Савил, Лорд Хол се осврна на културата на Би-Би-Си.

„Ниту една организација која е толку голема не може да избегне да прави грешки“, рече тој.

„Но, сакам да се осигурам дека, откако ќе направиме грешки, тие ќе бидат направени од желба да им служиме на нашите гледачи, а не да се заштитиме себеси.“

„И кога ќе правиме грешки – а ќе направиме – мора брзо да ги признаеме, да учиме од нив и да продолжиме понатаму.

Тешки прашања

Но, извештајот на Лорд Дисон за интервјуто на Би-Би-Си со принцезата Дијана од 1995 година сугерира дека вредностите и принципите на корпорацијата биле занемарени за да се заштити угледот на корпорацијата.

БиБиСи ја искористи својата прес-служба за да избегне тешки прашања, што беше вид на институционално прикривање какво обично нивните новинари се обидуваат да откријат.

Корпорацијата сега е обвинета за непријателство кон персоналот кој сакаше да им укаже на лагите на Мартин Башир.

Графичкиот дизајнер Мет Вајлер, кого Башир го ангажирал да дава лажни банкарски изјави, веќе долго време тврди дека тој бил жртвено јагне во овој скандал.

„Во Би-Би-Си постои култура да нема потреба да се зборува за мали луѓе како мене.“

Тој рече дека добил „апсолутен минимум“ извинување од раководителите на БиБиСи – во писмото кое што пристигнало во доцните вечерни часови на 23 мај 2021 година.

„Само кога ќе се појави криза, добиваме некакво извинување и некакво признание“, додаде тој.

Би-Би-Си во петокот рече дека имало „радикална промена“ во неговите процедури во последните 25 години и дека тие „се смениле до непрепознатливост“.

Портпаролот на корпорацијата рече: „Сега имаме темелна и револуционерна програма за укажувачи која обезбедува јасни и независни патеки за изразување на загриженост и, доколку е потребно, директен пристап за укажувачите до неизвршниот директор во одборот на БиБиСи“.

Друго прашање на кое Би-Би-Си треба да одговори е зошто Мартин Башир бил повторно вработен во Би-Би-Си во 2016 година како дописник за религиозни прашања.

Лорд Хол беше генерален директор во тоа време и имаше интимно знаење за однесувањето на Башир.

Шефот за вести на Би-Би-Си, Џонатан Мунро, во тоа време рече: „Учинокот на Мартин во претприемничкото новинарство е добро познат и почитуван во рамките на професијата и кај јавноста“.

Во годините пред да биде повторно вработен, Башир беше принуден двапати да се извини за контроверзните забелешки додека работеше за американските новински мрежи.

Во една прилика, зборувајќи пред Здружението на американски новинари со азиско потекло, тој рече: „Среќен сум што се наоѓам меѓу толку многу азиски риби“.

Тој се повлече од MSNBC во 2013 година откако ги потцени забелешките во програмата за поранешната гувернерка на Алјаска, Сара Пејлин.

Во 2017 година, Одборот на корпорацијата за религија и етика, под водство на Лорд Хол, го промовираше Башир во уредник на тема религијата.

Би-Би-Си соопшти дека тоа е дел од нејзината цел „да ги подобри перформансите на сите полиња“.

Лорд Дајсон рече дека одлуката за повторно вработување не е доволно поврзана со описот на неговата задача за тој да ја испита или да донесе заклучоци.

Поранешниот шеф за вести на Канал 4 Дороти Брн ангажманот го нарече „непристоен “ и побара истрага.

Структурни промени?

Голем број на прашања се покренати и за управувањето со Би-Би-Си.

Поранешниот претседател на Би-Би-Си и менаџер за емитување Лорд Грејд сугерираше дека стандардите на БиБиСи Вести треба да бидат надгледувани од независно новинарско тело.

„Мора да има сериозна структурна промена во управувањето со Би-Би-Си“, рече тој.

„Мислам дека мора да има независна редакција над специјалистички несомнени новинари кои можат да одговараат на Би-Би-Си.

Министерот за правда Роберт Бакленд рече дека пропустите на Би-Би-Си се сериозни за владата да размисли да преземе конкретни активности.

„Очигледно, треба да се испитаат пошироките проблеми во управувањето и начинот на водење на работите.“

Би-Би-Си, кој го смени својот систем на управување двапати од средината на 1990-тите, соопшти дека ревизиите се вградени во постојниот систем и се вршат како дел од тековната кралска повелба.

„Но, се разбира“, се вели во соопштението, „има уште многу да се приспитува“.