И војвотката од Кембриџ Кејт Мидлтон ја прими првата доза од вакцината против Ковид -19.
- Вчера ја примив својата прва доза на вакцина КОВИД-19 во лондонскиот Музеј на наука, напиша таа на Инстаграм и додаде: Благодарна сум на сите кои работат на ширење на вакцините – ви благодарам за сè што правите.
И тоа што како и нејзиниот сопруг, принцот Вилијам, се боцна не привлече толку внимание, колку изборот на гардеробата за оваа прилика.
Имено, Кејт се појавила во лежерна гардероба, односно едноставни фармерки и памучна маичка. А токму ова издание, покрај сите оние елегантни фустани и костимчиња, е вистинско освежување.