Најследениот Јутјубер во светот, MrBeast, чие вистинско име е Џими Доналдсон, во неодамнешното гостување на каналот TMG откри дека планира да се кандидира за претседател на САД.
MrBeast не прецизираше кога точно ќе се кандидира, но кажа како ќе изгледа неговата кандидатура. Најави дека ќе „среди“ дел од проблемите на САД, но во таа улога нема да го гледаме дури дваесетина години од сега.
„Сакам да соберам еден куп пари и потоа да им ги дадам на луѓето непосредно пред да се кандидирам за претседател. Замислете, имате 10 милијарди долари и ги давате на луѓето. Тогаш можам да кажам: „Имав се и јас им дадов се на луѓето“, и тоа е многу моќна работа“, објасни MrBeast.
„Претседателите се премногу стари“
„И потоа, наместо да им давам на лобистите и да туркам агенди, правам се што ќе биде од корист за американскиот народ. Ми звучи како добра идеја“, рече тој и потоа гордо изјави: „Да, би можел да се кандидирам за претседател, да бидам искрен. .
Тој исто така презентираше интересна идеја за тоа како би можела да изгледа неговата кандидатура за неколку години. „Ќе се кандидирам за функцијата околу четириесет години. Мислам дека претседателите се стари, додека да се кандидирам за функцијата, старите луѓе ќе умрат и главно луѓе на моја возраст ќе гласаат. Време е за помлади претседатели“, рече MrBeast.
https://youtu.be/YhRRny_sHYw
