Пандемијата направи многумина изминатава година да работат од дома. Иако многумина сметаа дека тоа ќе ги направи посреќни, сепак на повеќето тоа им создаде повеќе проблеми, од организирање на домашните обврски, наоѓање на простор, но и „борба“ со членови од семејството за мир и тишина.
Но, има и уште еден проблем, а тоа е колку работодавците ги почитуваа своите вработени кои работеа од дома.
Минатогодишното истражување спроведено од Универзитетот во Централна Флорида, во кое учествуваа 592 лица, главно канцелариски работници, покажа дека испитаниците биле попродуктивни додека работеле од дома за време на пандемијата. Сепак, оваа зголемена продуктивност не била секогаш наградена.
Во споредба со оние кои работат во канцеларија, студиите покажуваат дека шефовите се помалку ги унапредуваат овие работници или им даваат помалку покачување на плата.
Студија на кинеска туристичка агенција од 2015 година покажа дека луѓето кои работеле од дома повеќе ја сакале работата, но стапката на подобрување кај нив е помала.
Неодамнешното истражување од 2020 година во кое учествуваа 405 вработени во технолошки компании, открива дека работниците од дома добиле ист број на унапредувања како и вработените во канцеларијата, но дека нивните плати растеле побавно.
Луѓето кои работат од дома исто така можат да бидат во неповолна положба поради фактот што шефовите прават побрзи проценки за луѓето кои работат во канцеларија. Таков заклучок е наведен и во студијата од 2010 година, во која учествувале 39 менаџери, што покажало дека менаџерите претпочитаат кога ги гледаат своите вработени на состаноци или на нивното биро.
Сепак, студија спроведена на вработени во технолошки компании открива дека штетните ефекти од работа од дома се помалку кај луѓето кои имале многу соработници кои исто така работеле од далечина, или кога далечински работеле дополнително надвор од работното време, како и кога имале повеќе лице-в-лице интеракција со нивните шефови.
Лична средба со вашиот менаџер - моментално веројатно преку зум - може да послужи како „стратегија за управување со впечатоци“, напишаа авторите на студијата. Оваа студија сугерира дека луѓето треба да бидат свесни за сигналите што им ги даваат на шефовите доколку сакаат да бидат земени предвид за унапредувања и можни покачувања.
Од друга страна, менаџерите би можеле да ги променат своите ставови кога станува збор за работа од дома. Џозеф Грени, главен директор за развој во VitalSmarts, компанија која обезбедува услуги за обука и развој на организациите, вели дека канцеларијата им ги олеснува работите на мрзливите менаџери.
Наместо таа присилна физичка заедница, вели дека менаџерите можат да создаваат виртуелни настани за да создадат доверба и подобра врска со членовите на тимот, и за тоа е потребен напор за кој сите шефови не се подготвени да инвестираат.
