Првиот кинески патнички авион од домашно производство попладнево го заврши својот прв комерцијален лет, што претставува пресвртница во повеќедецениските напори на земјата да се натпреварува со западните ривали во воздухот.
Пекинг се надева дека комерцијалниот авион C919 ќе биде достоен ривал на странските модели како што се Боинг 737 Макс и Ербас А320, иако многу од неговите делови доаѓаат од странство. Првиот домашен авион во Кина со масовен комерцијален потенцијал, исто така, ќе ја намали зависноста на земјата од странска технологија во време кога врските со Западот се влошуваат. - Во иднина, мнозинството патници ќе можат да изберат да патуваат со големи авиони од домашно производство - објави кинеската државна телевизија.
