Промените на ноктите што се јавуваат кај некои луѓе се невообичаен симптом, но може да покажат дека се опоравиле од COVID-19.

За време на пандемијата на коронавирусот, откриени се голем број нови, понекогаш невообичаени знаци и симптоми на КОВИД-19. Експертите неодамна откриле хоризонтални вдлабнатини на ноктите на поединци што може да покаже дека тие го прележале вирусот  КОВИД-19, пишува Индипендент.

Еден британски епидемиолог, професор Тим Спектор, главен истражувач на апликацијата „Студија за симптоми на Зое Ковид“, која овозможува следење на новите симптоми на КОВИД-19, објави на Твитер дека „промените во ноктите во форма на хоризонтални вдлабнатини може да означат релапс на КОВИД-19 и дека лицето ќе се опорави по инфекцијата “

Таквите хоризонтални набори на ноктите во медицината се познати како Beau lines, кои се јавуваат како реакција на привремена пауза во растот на ноктите поради повреда или болест или може да бидат остаток од стара механичка повреда или болест и најчесто се бенигни .

Професор Спектор потврдува дека ваквите вдлабнатини сами по себе се безопасни и не треба да бидат причина за загриженост како единствен симптом. Тој додава дека кај луѓето со КОВИД-19, ваквите промени најчесто се појавувале без дополнителни компликации како што се осип на кожата.

Тој исто така рече дека вдлабнатините на ноктот ќе исчезнат кога основната болест веќе не претставува проблем и ноктот целосно ќе порасне и ќе се опорави за околу шест месеци.

Во една статија неодамна објавена од канадската лекраска комора пишува дека овие линии на ноктите се појавиле кај еден  45-годишен маж три и пол месеци откако му бил дијагностициран КОВИД-19.

Научниците предупредуваат дека вдлабнатините на ноктите не се карактеристични само за КОВИД-19, но можат да се појават како знак на разни системски проблеми. Тие се јавуваат, на пример, кога тироидната жлезда работи премногу или премалку, што влијае на хормоните кои го контролираат растот на ноктите, кожата и косата.

Ако овие линиите  се појавуваат на сите 20 нокти истовремено, тоа може да означува инфекција, како што се пневмонија, заушки или сифилис, а исто така може да сигнализира проблеми со срцето, црниот дроб или бубрезите.

Значи, овие промени не треба да се земаат како сигурен знак дека сте биле заразени со респираторен вирус.