Канаѓанка која е спасена откако нејзиниот автомобил потонал низ река покриена со мраз се соочува со остри критики затоа што правела селфи додека животот и бил во опасност.
Жителите во близина на реката Ридо користеле кајаци и јажиња за да ја извлечат жената од реката, но таа претходно направила селфи на врвот на автомобилот што тоне.
Официјални претставници на полицијата во Отава изјавиле дека автомобилот поминал низ мразот на јужниот крај на реката во предградието Манотик во неделата околу 16:30 часот.
Автомобилот возел по замрзната река, според очевидци, кои рекле дека минувал низ мраз и студена вода, пренесол CTV News.
Кога ја виделе жената како се качува на врвот од возилото кое полека тонело во водата, мештаните побрзале да ја спасат.
