Пирс Морган уште еднаш изјави дека нема да и се извини на Меган Маркл за коментарите кои ги даде за неа, откако обожаватели бараа од него да престане да мрчи.
Еден обожавател го праша на Твитер дали би се извинил за неговите коментари во врска со Меган во емисијата „Добро утро Велика Британија“, вклучително и дека не верува дека и била скратена поддршка за менталното здравје, за да може да се врати во шоуто.
Откако Пирс призна дека му недостигаат на гледачите, обожавателот напиша: „Да, Пирс престани да мрчиш, кажи дека ти е жал и врати се и направи го ГМБ повторно одличен“.
„Повеќе сакам да јадам вегански колбаси цел живот отколку да се извинам што не и верував на принцезата Пинокио“, одговори Пирс.
По повод „интервјуто на деценијата“ што Опра го спроведе со принцот Хари и Меган Маркл, тој изјави дека е страшно вознемирен.
„Ова е двочасовно ѓубре од нашето кралско семејство, монархијата и сè на што нашата кралица работеше толку напорно и сето тоа е направено додека принцот Филип е во болница. Тие сакаат да уништат сè. Тие во основа велат дека нашето кралско семејство е еден куп бели врховисти“, рече Пирс.
🤣I’d rather eat vegan sausage rolls for the rest of my life than apologise for disbelieving Princess Pinocchio. https://t.co/uQif6aE1hN
— Piers Morgan (@piersmorgan) July 21, 2021
Пирс Морган по интервјуто на Опра рече дека „не би поверувал на Меган Маркл и да ја прочита неговата временска прогноза“. Тој тогаш рече дека не верува дека дворот е полн со расисти. Како резултат, среде жестока дебата во неговата емисија, Пирс луто ја напушти програмата во живо, и оттогаш престана да биде водител на популарната утринска емисија.
