Веројатно голем дел од вас сте се запрашале што прават пилотите за време на прекуокеанските летови?

Изминативе денови низ светските медиуми кружи сведоштвото на поранешниот американски пилот Мајкл Хак кој признал дека направил “развратен” чин за време на еден од неговите летови.

Имено тој во текот на лет минатата година се соблекол во пилотската кабина пред копилотката и гледал порнографија на лаптоп.

Судијата во државата Мериленд го осудил на условна казна од една година и наредил да плати казна од 5.000 долари.

Инцидентот се случил на летот на “Southwest Airlines” од Филаделфија кон Орландо на 10-ти август 2020-та година.

Кога авионот достигнал крстаречка висина, Хак станал од своето пилотско седиште, ја соблекол облеката и гледал порнографија на својот лаптоп.

“Продолжил непристојно да се однесува во пилотската кабина, додека копилотката продолжила да ги врши своите должности”, рекол обвинителот.

Помошникот обвинител Мајкл Канингем рекол дека “копилотката имала право да не биде дел од ова однесување, без разлика што го мотивирало”.

Хак рекол дека е виновен и дека намерно го направил “развратниот и непристоен чин”.

Сега веќе поранешниот пилот се извинил за своето однесување, додавајќи дека се почнало како шега меѓу него и неговата колешка.

“Никогаш не би помислил дека ќе се претвори во ова”, рекол Хак преку видео-линк, пренесува “Sputnik”.