Патник паднал од крузер и 15 часа поминал во море

Младиот човек (28) во средата вечерта со својата сестра бил во кафеана на брод за крстарење. Во еден момент и рекол дека оди во тоалет и никогаш не се вратил.

Потрагата по него набрзо започнала, а во водата бил забележан дури во четвртокот вечерта, на 30-тина километри од брегот на Луизијана.

Спасувачите велат дека младиот човек е во стабилна состојба.

„Тој беше во вода повеќе од 15 часа. Тоа е најдолгото што сум слушнал, па затоа ова би го нарекол чудо на Денот на благодарноста“, изјави полковникот на крајбрежната стража Сет Грос.

Грос изјави за Си-ен-ен дека овој случај не наликува на ништо што го видел во неговата 17-годишна кариера и дека среќниот исход „покажува волја за живот, а тоа е нешто што треба да го земете предвид во секој случај за пребарување и спасување“.