Фенг шуи е кинеска техника за уредување простори и вклучува правила кои обезбедуваат позитивната чи енергија да тече слободно низ домот.
Важно е да се следат одредени правила и упатства, а најважно е куќата да биде уредна, без премногу работи и просторот да биде отворен и пријатен за престој.
Мајсторите на фенг шуи веруваат дека предметите можат да влијаат на енергијата на просторот и на луѓето кои живеат во него. Исто така, се верува дека предметите можат да пренесат одредени чувства или енергетски вибрации или да привлечат кавги и несреќи во куќата. Затоа треба да внимавате со позајмувањето и подарувањето работи од куќата, но и личните предмети.
Позајмувањето паричник како и чанта се смета за многу непријатно во фенг шуи. Ова е поврзано со одливот на пари и неочекувани трошоци. Ако имате луксузни парчиња гардероба, тоа важи и за нив.
Иако е вообичаено некои пријатели да си позајмуваат облека, во фенг шуи тоа не се практикува. Се советува редовно да ја прегледувате и средувате облеката, како и да го исфрлате она што не го носите и во кое повеќе не се чувствувате убаво.
Сепак, ваквите парчиња не треба да се позајмуваат, туку да се посветат од срце на личноста на која ќе ги подарите. Иако се подразбира дека облеката ќе ја исперете, испеглате и закрпите доколку е потребно, и оној кој ја прима треба да ја испере. Се препорачува да се потопи во ладна вода во која е растворена грст сол, да се чува околу половина час, а потоа да се испере.
Истото треба да го направите и ако купувате облека во продавници со половна облека - „second-hand“ продавници.
Не е добро да ги позајмувате вашите влечки на други, се верува дека тоа може да донесе проблеми на работа, застој во професионалното напредување.
Ако не ви се допаѓа гостите да ви шетаат по дома по чевли, набавете неколку пара од најтенките влечки, како оние хотелските, кои би можеле да им ги понудите веднаш штом ќе пристигнат.
Конечно, фенг шуи вели дека не треба никому да позајмувате часовник. Кога ќе го вратите на раката, со себе ќе ја донесете сета лоша енергија што може да ја измачува личноста, особено ако е во некоја лоша фаза.
