Лубеницата на многумина им е омилено овошје бидејќи е многу освежувачка. Точно е дека е многу повкусна кога е ладна, па заради тоа и ја ставаме во фрижидер, но експертите тврдат дека тоа не е најдобрата опција.
Советуваат лубеницата која не е баш зрела да ја оставите на собна температура, но подалеку од директна сончева светлина, бидејќи на тој начин ќе ги задржи хранливите состојки и вкусот, додека во фрижидер побрзо ќе го изгуби вкусот и бојата.
Ако вашата лубеница е сепак зрела, не ја сечете, во тој случај ставете ја цела во фрижидер каде што ќе остане свежа и до три недели.
Фрижидерот е добра опција дури и ако лубеницата е веќе исечена, а потоа парчињата треба да се стават во херметички сад за складирање храна или во пластична фолија, за да се зачува текстурата и сочноста, но и парчињата лубеница да впијат што помалку други мириси од фрижидерот.