Прекрасен ланец на планини се протега низ северниот дел на Сахара – ова се петте утврдени градови на долината М’Заб, која припаѓа на Алжир.
Сите заедно се познати како Пентаполис.
Овие пет утврдени градови се Ел-Атеуф, најстариот, основан во 1012 година, Мелика, Бунура, светиот град Бени-Изген, како и Гардаја, главната населба и трговско „срце“ на целата долина М’Заб.
View this post on Instagram
Пред 40 години, М’Заб зазел и заслужено место на списокот на културно наследство на УНЕСКО, поради својата препознатлива култура и архитектура.
– Уникатната комбинација на домородното население од Северна Африка и исламската вера го прави ова место толку посебно. Нема такво нешто на друго место, ниту во Алжир, ниту во остатокот од светот – изјави за Би-Би-Си локалниот водич Калед Мегнин.
Мозабити, полуномадски народ со свој посебен јазик, Тумзабт, ги основа градовите на долината М’Заб, каде што сега живеат над 360 000 луѓе.
View this post on Instagram
Логично е дека таквата реткост ги привлекува туристите, но интересно е што постои регулатива која предвидува сите посетители, вклучително и Алжирците, да можат да влегуваат во градовите М’Заб само придружени со локален водич.
– Не гледаме на тоа како на работа, туку на должност. Ние сакаме да ги заштитиме овие градови и начинот на живот што се одвива во нив“, рече Мегнин.
Употребата на тутун одамна е забранета во историските центри од религиозни причини, а некои од многуте други забрани вклучуваат и селфи, носење непристојни фустани и користење мобилни телефони.
– Ние сме многу љубезни, а посетителите се добредојдени, но ги замолуваме да го почитуваат мозабитскиот начин на живот. Тоа е нашиот дом, не само убава позадина за објава на Инстаграм. Не сакаме М’Заб да се претвори во „Дизниленд“ во Сахара – објаснува Калед Мегнин.
