Американската актерка Ен Хеч почина на 53-годишна возраст на 12 август 2022 година, една недела откако беше тешко повредена во сообраќајна несреќа. На 5 август, Ен удри со својот автомобил во гаража до куќа во населбата Мар Виста во Лос Анџелес, а автомобилот и куќата се запалија.
Актерката извесно време помина на машини во болницата, од кои конечно ја исклучиле, а почина од повреди од вдишување чад и изгореници.
Сега, неколку месеци по трагичната несреќа, се појавија нови детали за смртта на актерката. Обдукцијата и токсиколошкиот извештај утврдиле дека актерката во моментот на несреќата имала дрога во телото. Пронајдени се траги од кокаин и фентанил, за кој е утврдено дека во болницата биле користени за ублажување на нејзината болка.
ТМЗ пишува дека во телото на актерката не бил пронајден алкохол, иако на фотографиите пред несреќата пред автомобилот се гледа некакво шише. Судскиот лекар, исто така, рече дека нема докази дека Ен била алкохолизирана во моментот на несреќата.
Фото: принтскрин 24сата.хр
