Додека сите медиуми во Грција известуваат за поскапување на струјата и парното, државната телевизија ЕРТ 3 имаше „интересни“ совети за Грците.
Имено, таа препорача некои методи за затоплување на домовите на евтин начин, од кои некои се туширање со отворена врата и затворање камини. Сепак, најчудниот и веројатно најопасниот метод кој се препорачува е да се остави рерната полуотворена, пренесува порталот Keep Talking Greece.
Како тоа ќе се одрази на пониската сметка за струја - не е објаснето.
Исто така, според порталот, не е објаснето до кога пареата од туш кабината ќе може да го грее домаќинството, како и колку ќе можат да преживеат доколку се затвори оџакот на запалениот камин.
Коментирајќи ја ситуацијата на Твитер, некои Грци се повикаа на неодамнешната препорака до Британците дека „гушкајте ги домашните миленици за да се стоплите и заштедите на сметките“, вртете хулахоп во дневната соба или јадете чорба за да се загреете во текот на зимата.
Στην εκπομπή της @ERT3Social Όμικρον 3 μας προτείνουν για να ζεστάνουμε το σπίτι να κάνουμε μπάνιο με ανοιχτή πόρτα και να αφήνουμε τον φούρνο μισάνοιχτο! pic.twitter.com/x45nJ3QpP1
— Eleni Iliopoulou (@ElenisZoo) January 13, 2022