Тој бил голем противник на вакцинацијата и се заразил со коронавирусот пред неколку недели.
„Со тешко срце објавуваме дека Маркус Ламб, претседател и основач на телевизиската мрежа Daystar, отиде дома утрово за да биде со Господ. Семејството бара да се почитува нивната приватност додека тагуваат за оваа тешка загуба.“, напишале од Дејстар на Твитер.
Под негово водство, Дејстар емитувал повторливи неосновани теории на заговор против вакцините и тврдења дека вакцините се користат за да се лишат христијаните од нивната слобода.
Тој ги советувал луѓето, меѓу другото, да се молат наместо да се вакцинираат, пишува Њујорк Тајмс.
Во јули 2020 година, мрежата еден час емитувала жалби за „цензура“ околу пандемијата.
Минатиот месец, синот на Лемб, Џонатан, рече дека болеста на неговиот татко била предизвикана од застрашувачки надворешни сили.
„Нема сомнеж дека ова е духовен напад на непријателот“, рекол неговиот син.
Daystar е основана во 1998 година и има повеќе од 100 ТВ станици ширум светот.
