Најавата за долгоочекуваниот документарен филм за Меган Маркл и принцот Хари ја објави денеска Нетфликс.
Најавата беше објавена на каналите на сервисот за стриминг, а заедно со кратки разговори со Хари и Меган беа објавени и досега невидени фотографии од парот.
Меган во најавата рече дека таа и Хари сакале да ја раскажат својата приказна.
– Никој не знае што се случува зад затворени врати – додаде парот.- Морав да направам се за да го заштитам семејството - изјави принцот Хари.
Во објавата може да се видат нивните селфиња, слики од свадбата на која немаше новинари, како и слики од војвотката во поодмината бременост со малата Лилибет која се роди минатата година.
Најавата за документарниот филм нашироко се споделува на социјалните мрежи, а на Јутјуб веќе има над 250.000 прегледи.