Научниците откриле нов ензим кој јаде пластика

Научниците случајно развиле ензим кој може да го јаде пластичниот отпад, што може да се искористи во борбата против еден од најлошите проблеми со загадувањето во светот, објави Си-Ен-Ен.

Истражувачите од британскиот Универзитет во Портсмут и Националната лабораторија за обновлива енергија на САД (NREL) ја откриле структурата на природниот ензим, што се наоѓа во центарот за рециклирање на отпад пред неколку години во Јапонија.

Тие велат дека ензимот „Ideonella sakaiensis 201-F6“ е способен да јаде полиетилен терефталат, кој беше патентиран како пластика во 1940-тите и се користи во милиони тони пластични шишиња.

Целта на научниците била да ја проучат неговата структура, но тие случајно дизајнирале ензим кој е уште подобар за разложување на ПЕТ пластиката.

“Ние се надевавме дека ќе ја одредиме неговата структура за да помогнеме во протеинскиот инженеринг, но завршивме чекор подалеку и случајно изградивме ензим со подобрени перформанси при разложување на овие пластики”, рече водечкиот истражувач на NREL, Грег Бекам.

Откритието би можело да резултира со решение за рециклирање за милиони тони пластични шишиња направени од ПЕТ, кое моментално трае стотици години во животната средина, објави Универзитетот во Портсмут на својата веб-страница.

извор: Makfax

Поврзани

Најнови вести

Коментари