Мексиканец одбива да се откаже од лавовите кои ги чува на тераса

Човек во Мексико Сити одбива да се откаже од трите лавови што ги чува на својата својата тераса, пренесува „Би-би-си“.

Федералните инспектори од мексиканската метропола велат дека триото лавови треба да се премести на посоодветна локација.

Нивните рикови предизвикале загриженост во високонаселената област, пренесуваат локалните медиуми, а соседите ги изразиле своите поплаки на социјалните мрежи.

Омар Родригез вели дека ги чува лавовите затоа што сака неговите внуци одблиску да се запознаат со загрозените бели лавови, велат од весникот „Ел Универзал“.

„Знам дека можеби ова не се најсоодветните услови“, изјавил Родригез за новинската агенција АФП.

„Најдобите услови за еден лав се ширините на африканската Савана, каде што тој ќе може слободно да трча, но знаете…“, додал тој.

Тој вели дека лавови чува веќе 20 години и има соодветна документација од федералната Агенција за животна средина.

Сепак, властите тврдат дека тој не обезбедил ваков документ и дека животните услови не се соодветни за потребите на овие големи животни.

На Родригез му било наложено да им дозволи на инспекторите да го посетат неговиот дом во областа Колонија Астурија, инаку во спротивно случајот ќе биде упатен до канцеларијата на јавниот обвинител. Исто така, од него било побарано да обезбеди документација за потеклото на лавовите.

извор: Makfax

Поврзани

Најнови вести

Коментари