Споменатиот таблоид го тужела за кршење на приватноста бидејќи објавиле писмо адресирано до нејзиниот татко Томас Маркл. Адвокатите на војвотката од Сасекс рекле дека нејзиното писмо до нејзиниот татко во 2018 година било „многу лично“ и требало да се чува во тајност.
Апелациониот суд го отфрли обидот на Associated Newspapers, кој го објавува Mail On Sunday, да одржи судење за објавување делови од писмото на Меган што таа му го напишала на нејзиниот татко.
Благодарение на оваа одлука Меган Маркл не требало да се појави на судењето, каде како еден од сведоците би се појавил и нејзиниот татко Томас Маркл.
Судија на Високиот суд веќе пресудил во корист на војвотката претходно оваа година во случајот за нејзината приватност и авторски права. Објавувајќи ја својата одлука, тројцата судии кои ја разгледале жалбата рекле дека содржината на писмото е „лична, приватна и не е прашање од јавен интерес“.
„Ова не е победа само за мене, туку за секој кој некогаш се плашел да се бори за она што е правилно“, рече Маркл.
„Штетата што ја направија и продолжуваат да ја прават е голема“, додаде таа.
