Манекенка нападната од ајкула додека позира

Опуштено капење на Бахамите се претвори во драматична ситуација што оваа 19 годишна манекенка долго ќе ја памети.

Манекенката и студент Катарина Зарутски пливала заедно со “nurse” ајкулите на Бахамите.

Пливајќи, една од ајкулите ја гризнала за раката, а потоа ја повлекла во длабочините на водата.

Катарина, која прв пат имала искуство со пливање со овие ајкули, кои се сметаат за безопасни за луѓето, останала смирена за време на инцидентот. Брзо ја извадила раката од водата за крвта да не ги привлече и останатите ајкули.

Во разговор за „Би-Би-Си“ таа открива дека била многу исплашена, но истовремено и свесна дека мора да остане смирена за да излезе од водата неповредена.

„Среќна сум што ја имам раката“, вели таа и дополнително како среќна околност го наведува тоа што ајкулата ја гризнала за овој дел од телото.

Манекенката објасни дека влегла во водата со ајкулите кога видела дека локалните жители ги хранат, поради што и се чинело сигурно да плива покрај нив.

извор: Makfax

Поврзани

Најнови вести

Коментари