Тогаш Ричард Сандрак имаше осум години, но имаше и осум плочки на стомакот, кои ја воодушевија целата планета. Детето го доби прекарот Малиот Херкулес, но сега изгледа сосема поинаку.
Ричард Сандрак беше чудо на природата, но и на трудот. Имаше осум години кога светот го запозна „Малиот Херкулес“, кој потекнува од семејство опседнато со фитнес и тренинзи. Неговиот татко Павел бил шампион во боречки вештини, а неговата мајка Лена се занимавала со аеробик.
Поради ова, неговиот животен пат природно го привлекол на тренинзи уште од мали нозе, а неговите методи го запалиле интернетот. Во тоа време, кога имал само една година, правел 600 склекови и стомачни, како и 300 чучнувања на дневна основа. Резултатите биле видливи на неговото тело веќе на таа возраст.
Но, јавноста веднаш почна со осуда за ваквата обука и „мачење“ на детето, додека родителите биле обвинети и дека му давале стероиди, бидејќи не верувале дека вакво нешто е возможно. Мајката Лена сето тоа го негирала.
Поминаа години откако Сандрак ја воодушеви јавноста, а сега 24 години подоцна не личи на себе. Се бореше со тренинзи, кревање тегови и сѐ што одеше со фитнесот од една едноставна причина - му било здодевно.
Ричард сега работи како каскадер во шоуто „Waterworld“ во Холивуд, додека сонува да стане инженер во НАСА.
© Vecer.mk, правата за текстот се на редакцијата
