Хотелот „Janu Wellness“, кој е дел од групацијата „Aman Resorts“, ќе биде отворен во Црна Гора следната година, објавија светските медиуми.
Во написот на порталот G„lobetrender“ се вели дека синџирот хотели „Janu Wellness“ ќе се фокусира на личен напредок и социјална врска, а нивното отворање следната година е планирано и во Саудиска Арабија и Токио
Националната туристичка организација објави дека во написот се наведува дека „Aman Resorts“ се подготвуваат да го пречекаат сестринскиот ланец на хотелот „Janu Wellness“, каде главната цел ќе биде здравјето.
Во таа група, тие веруваат дека токму таквата идеја е идеална за пост-ковилниот период, велејќи дека здравјето е ново богатство.
Планирано е да се отворат голем број слични хотели, целта е да се отворат осум од нив во текот на првата деценија.
„Janu Montenegro“ ќе биде првиот хотел кој ќе има станбен карактер, со цел да им овозможи на своите гости да уживаат во начинот на живот на „Janu“ подолго време.
- „Janu“ се заснова на верувањето дека вистински луксуз значи дека никогаш не треба да бираме помеѓу личното исполнување и задоволството. Имајќи го ова предвид, хотелите „Janu“ ќе се фокусираат на стимулирање на умот, телото и душата , се вели во соопштението.
Секој хотел ќе има голем број на велнес-објекти, иновативна опрема за спортски сали и спа-третмани, со кои на гостите ќе им бидат понудени енергетски групни часови за физички фитнес и сесии за зајакнување на умот.
Главниот извршен директор во „Aman Resorts“, Роланд Фасел, за британски „Telegraph“ изјави дека хотелите во „Janu Wellness“ им даваат можност на своите гости да работат на духовно и зајакнување на умот, а во исто време имаат можност, доколку сакаат, да уживаат пожива, социјална содржина.
Според „Telegraph“, хотелите „Janu Wellness“ ќе бидат поголеми од „Aman Resorts“, со најмногу 150 соби, но со помали спални, што ќе се рефлектира во цените на престојот, а престојот во хотелите „Janu Wellness“ ќе биде многу попристапен.
За споредба, најголемиот хотел „Aman Resorts“ е во Токио, со 84 соби.
