Кристофер Селман од Кент го лажирал сопственото киднапирање за од пријателите и познаниците да извлече пари. Тој преку социјалните мрежи им испраќал потресни видеа и фотографии на кои се гледа дека е мачен, па така барал пари за својот откуп.
На фотографиите што им ги испратил се гледа како му држат нож на грлото, но и пиштол на слепоочницата. Со видеата, пак, отишол и чекор понапред, односно во едно се гледа како главата му е пикната под вода додека тој се бори за здив.
Во оваа морбидна измама му помогнала поранешната девојка Стефани со која и детално го разработил планот на „киднапирање“.
Пријателите во паника за неговиот живот веднаш уплатиле дел од парите, но нему тоа не му било доволно, па продолжил да бара уште пари.
Во следните денови им испраќал фотографии со пиштол во устата, барајќи им 1000 фунти или дека наводно ќе го убијат.
Тие веднаш ја контактирале полицијата, која ги посоветувала да ги сменат телефонските броеви. Но Ктистофер и Стефани имале решение и за оваа ситуација, па почнале да им испраќаат фотографии по електронска пошта и на социјалните мрежи.
Полицијата почнала да прави анализи на граматичките грешки на Кристофер, но и грешките на наводните киднапери. Она што го откриле ги шокирало сите, сфатиле дека грешките се исти, па набрзо Кристофер бил најден и уапсен, пишува Метро.
Тој е осуден на две години и четири месеци затвор, а неговата поранешна девојка Стефани на 18 месеци условно.
- Кога дојдоа кај нас не се грижеа за парите. Им беше важно него да го спасат. Ќе им треба време да се опорават од шокот, рекол.