Куќата во која се снимаше серијата за прочуеното мафијашко семејство Сопранови ќе биде дадена на лицитација. Почетната цена изнесува 3,4 милиони долари.
Куќата има четири соби, четири бањи и гаража за два автомобила. Исто така, во цената е пресметана и еднособната гостинска куќа. За годишен данок треба да се издвојат дополнителни 34.005 долари.
Вистинските сопственици на куќата живееја во неа 32 години. За време на шестата сезона куќата на Сопранови била користена 30-50 пати за да ја пречека екипата.
Во огласот за продажба е наведено дека семејството ја продава затоа што нивниот син е веќе пораснат и се отселил. Повеќе не им е потребен толкав простор.
извор: Makfax