Куче скитник од Бразил стана хит, кога локалните медиуми ја објавија сторијата за неговата посета на ветеринар. Како што беше објавено кучето се појавило во многу сериозна здравствена состојба, и од вработените побарало помош со гестови и поглед.
Ветеринарката Дајсе Фереира завршувала преглед на друго куче, кога го видела него пред вратата. Како што рече, таа и нејзините колеги биле зачудени од животното кое ја презело иницијативата и побарало нивна помош.
- Кога влезе ја крена повредената шепа како да не поздравува, односно да ни покаже каде го боли. Бевме изненадени затоа што тој знаеше кога и каде да побара помош - изјави Фереира за порталот Додо.
По брзото испитување, ветеринарот открил дека неговата шепа не е сериозно повредена, но, како што се испостави, имал среќа да ја посети клиниката поради нешто сосема друго. Имено, Фереира откри дека кучето имало мал тумор и било покриено со болви. За среќа, двата проблеми се лекуваат со соодветна грижа и нега.
Таа го избањала кучето и му дала лекови, но бајката за ова паметно куче штотуку започна.
Откако се појави сторијата почнаа да стигнуваат понуди за згрижување и подобри денови го чекаат ова куче, каде што ќе добие љубов, грижа и внимание.
- Дури и не изгледа болно. Возбуден е кога околу него има луѓе кои се грижат. Најубаво од сè е што дојде сам. Неговата интелигенција е прекрасна. Сигурна сум дека ќе биде посвоен од добри луѓе и дека ќе му ја дадат сета љубов што ја заслужува - заврши Фереира на крајот од разговорот.
[embed]https://youtu.be/NHpYqVOCq3s[/embed]
