Ако некогаш сте се запрашале која е разликата помеѓу зелените и црните маслинки, одговорот е многу едноставен – во моментот на зреење.

Многумина не знаат, но црните маслинки се всушност зрели зелени маслинки. Се берат во ноември и декември, за разлика од зелените, кои се берат најмалку месец до два порано.

Колку подолго зрее маслинката, толку повеќе се менува нејзината боја – од зелена во рубин црвена, а потоа на ред се темните виолетови нијанси, кои всушност се црни маслинки.

Зелените маслинки имаат посочно месо, а имаат посвеж и некако посладок вкус. Црвенкастите се берат токму во времето на созревањето, а црните всушност може да се наречат презрели. Колку се потемни маслинките, толку е помеко месото, а вкусот е поинтензивен и погорчлив.

Маслинките, и црните и зелените, содржат бројни антиоксиданси, а некои истражувања потврдија дека имаат и својства кои го спречуваат развојот на одредени видови тумори.

Имаат многу витамини, особено витамин Е, и супстанции кои ги штитат крвните садови. Но, внимавајте кога ги консумирате солени, во тој случај не се препорачува да јадете повеќе од две или три дневно.