Според резултатите од оваа студија, ако разликата помеѓу партнерите е 10 години, ризикот дека ќе се разделат се зголемува на 39 %, а кај паровите чија разлика во годините е 20, ризикот за разделба бил 95%. Според проценките на истражувачите, идеалната возрасна разлика помеѓу партнерите била една година повеќе или помалку.
Интересно е што оваа студија покажала дека шансата за развод била само 3% доколку возраната разлика помеѓу паровите била 12 месеци.
Од друга страна, советничката за врски и говор на телото, Катја Лоизел, за Дејли Меил изјавила дека постојат некои предизвици со кои се соочуваат паровите со значителна разлика во возраста.
Ова најчесто се однесува на неодобрувањето од страна на социјалната средина, главно затоа што поединците, особено помладите, го „експлоатираат“ постариот партнер, со оглед што партнерите се во различни животни фази и не можат да се поврзат со пријателите и врсниците.
Советничката потсети дека паровите се развиваат и растат различно со текот на времето, како и дека доживуваат разлики во финансиската стабилност и кариера низ животните фази, а тоа може да влијае на врската.
Предупредувачки знаци за преиспитување на врската:
- Не постои рамноправност, едниот партнер има поголема моќ во врската
- Еден од партнерите сака да ја скрие врската од семејството и пријателите
- Настроени се критички кон вашите пријатели и врсници
- Немате исти животни цели во однос на децата и посветеноста
- Нивните пријатели и семејството не ја одобруваат вашата врска
- Тие се обидуваат да ве променат
- Тие покажуваат знаци дека ве контролираат вас и вашата врска, било тоа да е емотивно, финансиски или социјално.
Советничката напоменува дека разликата во интересите е поголема доколку помеѓу партнерите постои поголем возрасен јаз и дека тоа, воопшто, е проблем со кој се соочува секој пар.
