Долгата коса не е само фризура за жени. Мажите носеле долга коса уште во античка Грција, каде се сметала за симбол на моќ и богатство. Во модерно време, долгата коса главно се поврзува со лоши момци и бунтовници.
Во 70-тите, 80-тите и 90-тите години беше заштитен знак на рокерите и металците - од Џим Морисон од Дорс до Акл Роуз од Ганс рос до Курт Кобејн од Нирвана.
Го носеле и славни актери како Џони Деп, Антонио Бандерас и Бред Пит - и за улогите на лоши момци и заради нивниот сопствен вкус, а на овој тип на фризура не одолевале ни спортисти, модели и други популарни мажи од јавниот живот.
Своевремено, младиот поп-музичар Хари Стајлс додека пееше во групата One Direction исто така имаше долга коса . Дури кога ја скрати косата, призна дека ја пуштил за да може да донира во „The Little Princess Trust“, што прави вистински перики за деца и возрасни заболени од рак.