Каде е и што прави Патриција Гучи?! Го убила мажот, а од него и понатаму заработува милиони годишно
Vecer | 29.11.2021
Филмот „Куќата на Гучи“ ја заинтересира јавноста за приказната за Патриција Гучи, родена Реџани, попозната во италијанските медиуми како „црната вдовица“. Многумина ги интересира што се случило со жената која го нарачала убиството на сопругот Маурицио Гучи, сопственик на оваа компанија, а која во филмот ја одигра Лејди Гага, по излегувањето од затворот каде поминала 18 години.
Патриција денес живее мирен живот и не е често присутна во јавноста, иако е често мета на таблоидите. Најчесто ја гледаат во Милано, со папагал на рамот. Во една прилика ТВ-екипа ја сретнала пред луксузна златарница каде почнала да работи. Еден од репортерите ја прашал зошто најмила платен убиец место сама да го убие сопругот, а таа рекла дека видот и е слаб, а не сакала да промаши.
Судот во Милано решил таа, иако го нарачала убиството, да добие прилично добра сума од неговото наследство и тоа заради спогодбата која Маурицио ја потпишал во 1993. Ретроактивно и биле исплатени парите што не ги примала додека била во затвор, а што е нешто повеќе од 18 милиони евра. Имотот на Маурицио го наследиле нивните две ќерки Алегра и Алесандра.
- Сонувам за враќање на Гучи, уште се чувствувам како Гучи, всушност најмногу сум Гучи од сите. Дојдов од светот на дијамантите и сакам во него да се вратам, неодамна рекла Патриција.
Алесандра имала 20, а Алегра 16 кога мајка им е уапсена во 1997. Сестрите во 2004 водеа кампања за повторно суење во случајот на Патриција, а Вог извести дека тврделе оти мајка им „не управувала со своите ментални способности во време на убиството“ откако била подложена на операција за отстранување на тумор на мозокот во 1992. Алегра студирала право за да и помогне на мајка си. И додека двете јавно ја бранеле, таа признала дека ќерките всушност повеќе не разговараат со неа.
Инаку, покрај милионите на својот татко по смртта ги наследиле јахтите „Креол“ и „Авел“, како и имотите во Њујорк, Сент Мориц и Милано. Гардијан тврдеше дека двете се мажени и живеат во Швајцарија, но дека сакаат да останат подалеку од очите на јавноста.
Тешка судбина
Италијанската дизајнерка на ентериес Паола Франчи му била партнерка на Гучи за време на неговото убиство во 1995. Биле пријатели од детството, а повторно се поврзале во 1990 година. Паола продолжила да живее по смрта на Маурицио, но силен удар и бил зададен кога Чарли, синот на поранешниот сопруг кого го прифатила како свое дете, се самоубил на 16 години.
Напишала и свтобиографија во која ги изнела најдлабоките мисли за односот со Гучи, самоубиството на посиноот и како ја надминала тагата.
Легендарни изјави на Патриција Гучи
Попрво ќе плачам во ролс-ројс, отколку да се смеам на велосипед.
Никогаш во животот не сум работела, не планирам ни сега да почнам.
И понатаму се чувствувам како Гучи. Впрочем повеќе сум Гучи од сите нив.
Спијам многу. Се грижам за своите билки, а најмногу за Бамби, мојот твор.
