Французинката на 66 години, поднесе жалба до Европскиот суд за човекови права во Стразбур, откако локалните судови ја прогласиле за виновна за разводот, бидејќи одбивала да има сексуални односи со нејзиниот сопруг, пренесуваат странските медиуми.

Првата пресуда за случајот на оваа жена е донесена во 2019 година, а Апелациониот суд во Версај пресудил дека таа „сериозно и постојано ги кршела брачните обврски“, што го правело натамошното одржување на семејството и бракот „невозможно“

Оваа одлука подоцна била одобрена од повисокиот суд.

Француските феминистички организации застанаа на страната на осудената жена затоа што сметаат дека оваа пресуда е „архаична“ и дека ги лишува жените кои не се согласуваат на сексуални односи во бракот.

Исто така се додава дека повеќе од 47% од силувањата во Франција ги извршил поранешниот или сегашниот сопруг на жртвата.