Кралицата Летиција на 15 септември наполни 50 години. Иако роденденот го помина работно, во петокот отиде со сопругот Филип на концерт на кој се прославуваа 50 години истражување на Шпанската асоцијација за рак, чиј почесен претседател е таа.
Гостите на концертот не го заборавија роденденот на Летиција, па и ја испеаја песната „Happy Birthday“, а кралицата не криеше колку тоа ја трогна и развесели. Инаку, за оваа прилика убавата Шпанка избра прилично нетипична комбинација во која ретко се гледа.
Летиција уште еднаш докажа дека не ѝ е непознато експериментирањето со модата, иако најмногу е верна на класиката, овој пат отиде чекор понатаму.
Кралицата за оваа прилика се одлучила за тесен фустан до колена кој ја оцртува нејзината извајана фигура, а ова впечатливо парче го носи дизајнерскиот потпис на Нина Ричи. Инаку, целиот фустан е покриен со светки со специфична темно-виолетова боја, па дефинитивно паѓа во очи.
Иако парчињата како овој фустан генерално се резервирани за ноќно излегување или црвениот тепих, и во оваа ситуација вродената елеганција на Летиција направи да изгледа многу софистицирано. Изданието го комплетираше со сини салонки и плик-чанта во иста нијанса, како и дискретни обетки и свечена фризура.
Како ви се допаѓа ова издание на прекрасната Летиција?
