Единаесетгодишниот и амбициозен млад овчар Амер Ибрахимовиќ од селото Побуше близу Братунац веќе поседува стадо со повеќе од 100 овци и сонува да стане најголемиот сточар во Босна и Херцеговина и пошироко.

Тој со ова започнал да се занимава на деветгодишна возраст. Како што вели од каса зел 300 марки, што било доволно за 8 јагниња. Од овие јагниња тој започнал да го развива своето стадо и сега има цел:

– Јас ги имам свои соништа. Сакам да бидам одгледувач на овци и да имам околу 300 овци – вели малиот Амер.

Бидејќи приказната за момчето стигнала до локалните весници и ТВ канали, неколку добротворни организации му донирале повеќе јагниња на Амер и неговото семејство, како и возрасни овци и големи количини на сточна храна, за да му помогнат на момчето да ги исполни своите соништа.

Момчето самоуверено вели дека да се биде овчар не е проблем:

– Што се однесува до мене, оваа работа не е тешка. Иако има многу работа, затоа што морам да им носам храна и сè друго, но сепак е во ред.