Актерката од „Gone Girl“, Лиза Бејнс трагично почина на 66-годишна возраст. Имено, филмската ѕвезда претрпе сериозни повреди во несреќа на 4 јуни кога ја удрил електричен скутер.
Нејзините блиски пријатели ја потврдија нејзината смрт во понеделникот.
Во несреќата Лиза се здоби со тешка повреда на мозокот, со што нејзиното тело, за жал, не можеше да се справи.
„Претажни сме од трагичната и бесмислена смрт на Лиза“, изјави претставник на телевизиската мрежа Entertainment Tonight.„Таа беше жена со голем дух, љубезна и дарежлива. Беше посветена на својата работа, и на сцената и пред камерата, а најмногу на семејството и пријателите. Среќни сме што ја имавме во нашите животи“ - додаде тој.
