Компанијата „Gulf Oil“ Македонија водена од својата мисија на општествено одговорна компанија, придонесува за градење на одржлива и поубава иднина на нашите сограѓани. Животот на родителите на деца со здравствени проблеми, е повеќекратно усложнет и полн со стравови.
„За да им бидеме поддршка во надминување на секојдневните предизвици, „Gulf Oil“ Македонија донираше прехранбени производи, масло за јадење и средства за лична хигиена, на семејства на деца со попреченост, на територија на општина Куманово“, објавија од компанијата.
Донираните производи до семејствата на децата со попреченост, ќе стигнат преку здружението за промоција и развој на инклузивно општество ИНКЛУЗИВА, кое помогна да се реализира оваа хумана акција на „Gulf oil“ Македонија.
„Хуманоста и безрезерваната поддршка за децата останува да биде во наш преден план. Континуираните донации и помош на децата со пречки во развојот помагаат тие да растат и да станат видливи и силни во општеството, надминувајќи ги предизвиците од секојдневието“, велат од компанијата.
