Деклан Фулер (22) бил во брак со Стефани (22) и ја имаат двегодишната ќерка Вилоу. Сепак, ова не е среќна семејна приказна, но е полна со заплет.
Минатиот септември, парот му дозволил на таткото на Деклан, Дарен (44) да се пресели во нивниот дом во Велика Британија, каде што се случила аферата која го растурила семејството.
- Тоа е болно. Како можеше татко ми да ми го направи ова? Не е нормално – вели вознемирениот Деклан за време на интервјуто за „Сан“.
Деклан тврди дека бил на работа на денот на инцидентот што го оставил во шок. Нешто го натерало да го провери бебешкиот монитор на телефонот за да види како е неговата ќерка Вилоу. Но, она што го видел не била некоја слатка снимка од бебе.
На видеото се гледало како Стефани се прикрадува во спалната соба со својот свекор, очигледно за да се препушти на „пладневната дремка“. Деклан вели дека шокантниот чин на предавство за малку ќе го доведе во убиствен бес.
- Да немав разумна глава на рамениците, тато сега ќе беше два метри под земја.
Кога се соочиле со инкриминирачки докази, Стефани и Дарен негирале дека направиле нешто погрешно. Наместо тоа, тврделе дека едноставно биле во спалната соба и заедно го гледале „Симпсонови“.
Деклан останал незадоволен од тоа објаснување и веднаш се развел од сопругата, што на прељубниците им дало ветер во грб да ја продолжат романсата без да кријат.
- Не го измамив Деклан - инсистира Стефани кога „Сан“ ја контактирале за коментар.
- Дарен и јас влеговме во врска една недела откако Деклан ме остави - тврдела таа.
Во неверојатен пресврт, Стефани сега е бремена со близнаци, чиј татко е Дарен.
- Жал ми е. „Бебињата доаѓаат во многу збркано семејство“, вели изневерениот Деклан.
И покрај неговото скршено срце, Деклан вели дека успева да се извлече од целата збрка и судејќи според неговиот профил, тој е среќен со својата нова девојка.
