Полицаец од Хајдерабад, Индија стана популарен и доби големи пофалби откако на социјалните мрежи се појави видео на кое се гледа како тој дели храна на гладни деца на сред улица, на кои никој друг не им обрнуваше внимание.
Емотивното видео го објави полицијата на индиската држава Таленгана.
- Полковник Махешбио беше на должност и виде мали деца како молат за храна. Само што го виде тоа, ја извади својата кутија за ручек и ги послужи - стои во објавата на Твитер.
Најпрво им дал две чинии па им послужил ориз и пилешко од кутијата за ручек во нивните чинии, пренесува Индија тудеј.
Видеото надмина милион прегледи за кратко време, а собра и илјадници позитивни реакции и пофалби на сметка на добродушниот полицаец.
Panjagutta Traffic Police Constable Mr. Mahesh while performing patrolling duty @Somajiguda noticed two children requesting others for food at the road side, immediately he took out his lunch box & served food to the hungry children. pic.twitter.com/LTNjihUawn
— Telangana State Police (@TelanganaCOPs) May 17, 2021