Агенцијата за јавно здравство на Англија (ПХЕ)  објави дека со единечна доза на вакцината „АстраЗенека“ се постигнува 80% помал ризик од смрт предизвикана од коронавирус, а резултатите до кои дошла се засновани на вистински податоци.

Студијата ги зела предвид симптоматските случаи на болеста Ковид-19 откриени помеѓу декември и април и кои починале во рок од 28 дена по позитивниот тест со оглед на статусот на вакцинација.

„Со оглед на снабдувањето и изборот на вакцини за коронавирус, единечна доза од која било вакцина обезбедува приближно 80 проценти заштита од смрт“, се вели во соопштението на ПХЕ.

Заштитата од смртност обезбедена од „Фајзер/БионТек“ е зголемена на 69 проценти за оние кои примиле втора доза најмалку една недела пред да бидат позитивни. Земајќи ја предвид првичната проценка на заштитата од инфекција со коронавирус, ова е 97 процентен ефект на вакцината, соопштиле од ПХЕ.