По долгиот престој во Америка, Драган Драговиќ Драго се вратил во родното село во близина на Медвеѓа. Како што вели тој за себе, тој е народен уметник кој нашол инспирација и мир дома. Благодарение на Драго и неговото семејство, ова село повеќе не е напуштено, пишува порталот РТС.
Кога со синот Стефан ќе ја заврши работата околу козите и кравите тој зема четка и длето. Дрвени скулптури, акварели, цртежи и икони се само дел од творбите кој овој уметник ги прави.
-Каде и да бев секогаш го имав она чуство и визија за мојата татковина, за нејзината природа. Тоа чуство секогаш беше со мене, вели Драган.
Тука Драго го нашол својот мир. Тој вели дека прекрасната природа и погледот што се протега дури до Радан и Сува Планина му даваат неисрцпна енергија. А неговиот татко, Радомир не може да ги сокрие емоциите и тоа бидејќи неговиот син и внук се вратиле дома.
-Задоволен сум, како да не сум задоволен. Тие ми се вратија, и тоа од Америка, вели Радован.
-Хармонична природа, добри луѓе, мојот дом. Што да посакам повеќе? Што ми треба повеќе во животов?, додава Драган.
Имено, тој изложувал во многу европски галерии, во Сакраменто и во Калифорнија и добил многу признанија. Но имал една желба која денес му е исполнета – а тоа е да неговите дела ги видат неговите сограѓани и тоа во галеријата на Центарот за култура во Медвеѓа.
Со Драго и неговото семејство ова село веќе не е пусто.
-Јас поминав многу километри во потрагата по она што можам да го најдам само во моето село. А тоа е рај за мојата душа, завршува тој.
