Мајка од Велика Британија ги предупредила родителите на опасноста од голтање магнети откако нејзината ќерка завршила на операција.
Имено, 6-годишното девојче си играло со магнети во училиште, од каде и ги донело дома, за да направи ѓердан за една од своите кукли. Но во следните неколку дена, како што пренесува Би-би-сим голтнала дури 23.
На крајот девојчето завршило на итна операција, а докторите рекле дека магнетите биле „потенцијално опасни“.
- Сакам да ги предупредам родителите на опасноста која постои кога децата си играат со магнети, рекла Танит.
Инаку, девојчето на 12 септември почнало да се жали на болки во стомакот, а набрзо и да повраќа по што ја однеле на лекар. Таму и било дијагностицирано воспаление на слепото црево, а кога хирурзите почнале со постапката за негово отстранување нашле низа магнети.
- Имаше голема операција и доби лузна долга околу 10-ина сантиметри. Можеше да биде уште полошо, рекла мајката.
Во сличен инцидент во Шкотска 9-годишно дете заради ТикТок предизвик за малку ќе умрело откако голтнало неколу магнети.
