Врз основа на традиционални верувања за деновите, постои толкување дека Марс управува со вторник, а препорачливо е да се избегнува месо во вторник, а тој ден не треба ни да се впуштате во било какви расправии.
Секој ден во неделата носи добри или лоши можности, бидејќи има одредено значење и влијание. Постојат различни верувања што објаснуваат кога е погодно да се стори нешто или да не се стори нешто на одреден ден, постои и симболика на толкување што е поврзано со можностите што постојат за секој ден поединечно.
Понеделник: Не треба да почнувате ништо важно, затоа што се смета дека е ден на Месечината за кој се верува дека е многу променлив и дека сè што започнува тој ден е со „променлив“ квалитет
Вторник: Треба да ги извршите сите рутински задачи што се предодредени или договорени и за кои не е потребна посебна ментална активност. Марс владее со овој ден.
Среда: Најдобра е за кореспондиција, маркетинг активности, состаноци, преговори и кратки патувања. Тоа е ден со кој управува Меркур и се смета дека е добар за дружење и забава, но сепак, можете да го одложите потпишувањето на разни документи до четврток (Ден на Јупитер).
Четврток: Владее Јупитер, голем добродетел. На тој ден, можеме да договориме значителни зделки, да склучиме договори, да се вклучиме во финансиски трансакции или каков било вид на учење. Најдобар ден е за контакти во странство и долгорочно планирање.
Петок: Ден на Венера и вистинско време е да се посветиме на својот партнер, децата, семејството. Одличен е за сите подготовки за викенд, одмор, масажа, забава, релаксација, шопинг.
Сабота: Владее Сатурн и тоа е ден за да им дадете сила на другите. Помогнете им на болните, загрозените, посетете баби и дедовци, хранете ги гладните, посетете светилишта, гробови. Исто така, добро е да поминете дел од денот во тишина, чистење, духовна работа.
Недела: Денот на Сонцето - идеален ден за поактивен одмор, семејство и планови за новата недела.
