logo
logo
logo

Данскиот принц Јоаким со сопругата се селат во САД, ги имитираат Хари и Меган

Vecer | 01.12.2022

Данскиот принц Јоаким со сопругата се селат во САД, ги имитираат Хари и Меган

Според медиумите, најмладиот син на кралицата Маргарета Втора наводно се вработил во „одбранбената индустрија“ во Вашингтон, а ангажманот во главниот град на САД ќе го започне по летните одмори следната година, што веројатно значи дека со семејството се сели во Америка.

Јоаким и Мари со нивниот 13-годишен син, принцот Хенрик и 10-годишната ќерка, принцезата Атина, моментално живеат во Париз. Освен нив, Јоаким има и синови од првиот брак, принцот Николај (23) и принцот Феликс (20).

Тој се преселил во Франција во септември 2020 година кога се вработил како одбранбен аташе во данската амбасада во Париз. Јоаким во неодамнешното интервју за данскиот весник Billed-Bladet изјави дека тоа е фантастична работа, но дека завршува следното лето.

Написите за преселувањето на данската кралска двојка во Америка се појавуваат два месеци откако данската кралска куќа објави дека кралицата Маргарет одлучила да ги смени титулите на децата на Јоаким. Според одлуката, децата на принцот од следната година ќе можат да ги користат само титулите гроф и грофица од Монпезат, бидејќи титулите принц и принцеза, кои ги красеа досега, се укинуваат.

Во изјавата неколку дена подоцна, данската владетелка изјави дека ја донела својата одлука како кралица, мајка и баба, но и дека како мајка и баба го потценувала степенот до кој нејзиниот помал син и неговото семејство се чувствуваат погодени.

„Беа многу импресионирани и жал ми е поради тоа. Никој не треба да се сомнева дека моите деца, снаи и внуци се моја голема радост и гордост. Сега се надевам дека како семејство ќе најдеме мир и ќе најдеме излез од оваа ситуација“, изјавила кралицата Маргарет Втора.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk