Актерот Даниел Крег (53) во неодамнешното интервју откри што планира да направи со своите пари откако ќе умре, пренесува Page Six.
Богатството на Крег се проценува на околу 160 милиони долари, но неговите деца не можат да сметаат на тоа.
- Не сакам да оставам големи суми на следната генерација. Мислам дека наследството е нешто прилично невкусно “, рече актерот.
Крег од првиот брак со актерката Фиона Лудон (53) има ќерка Ела (29), а со сопругата Рејчел Вајс (51) ја доби втората ќерка во 2018 година, чие име не се открива. Вајс од претходната врска со режисерот Дарен Аронофски (52) има син, Хенри (15).
„Мојата филозофија е ослободи се од нив (парите) или подели ги пред да те снема“, рече последниот Џејмс Бонд.
Тој додаде дека мисли дека големите донации пред смртта покажуваат колку некој навистина е богат.
„Зарем не постои стара изрека дека ако умреш богат,не си успеал? - праша Крег.
Тој потсети на изјавата на Ендрју Карнеги, индустријалец и филантроп кој живеел во 19 век. Карнеги рекол дека „човек што умира богат умира посрамотен“.