Односот со манипулаторите е токсичен и ризичен за вашето емоционално, ментално и психолошко здравје. Ако се забележите манипулативни техники од вашиот партнер или пријател, прекинете го тој однос кој што е далеку од среќа и љубовта кои што се потребни.

Тактички игри со емоциите

Манипулаторите обично имаат јасно избрана тактика што ќе ве спречи да препознаете на почетокот на врската дека некој си игра со вашите емоции, но постојат скриени сигнали кои ви помагаат полесно да ја забележите манипулацијата во врската и да ја прекинете таа токсична врска.

Манипулативните луѓе обично ја имаат истата цел, а тоа е да си играат со чувства и психа, да будат чувство на вина кај вас, притоа презентирајќи како прават сè за ваше добро, сè додека конечно не го постигнат она што го сакаат – придобивка за себе.

Еве 5 знаци за да утврдите дали вашиот партнер е манипулативна личност:

  1. Се чувствувате виновни кога поминувате време со пријателите

Манипулаторите најчесто сакаат да ги контролираат своите партнери и да ги изолираат од пријателите, а кога поминувате време со други луѓе, сакаат да разбудат чувство на вина кај вас.

Тактики како гнев кога излегувате да се видите со пријатели и негативно ги коментира вашите пријатели за да поверувате дека не се доволно добри за вас.

Неговата цел е да ве изолира од другите луѓе, за да помислите дека тој е единствената личност што ви треба во животот – тој сака да зависите од него.

  1. Емоционална уцена

Ова е еден од најлошите типови на манипулација маскирана во грижлива и неизмерна љубов, а всушност целта на манипулаторот е да ве условува и вечно да ве врзува за себе.

Изјави како „Ако заминеш, ќе бидам несреќен …“ или „Ако навистина ме сакаш, би го сторила тоа за мене …“ Ова се уцени што ги користи секој манипулатор за да направи кукла од вас да може да ја контролира.

  1. Почнувате да го доведувате во прашање вашиот ум и начин на размислување

Ова е еден од вообичаените видови на манипулација наречен „гасна светлина“. Имено, партнерот постојано не охрабрува да ги преиспитаме нашите зборови, мисли и постапки, кажувајќи ни дека правиме нешто погрешно.

Кога овој вид на манипулација ќе стане чест, ние почнуваме да се сомневаме во себе и целосно да му се предаваме на нашиот партнер и да веруваме во неговите пресуди. Се чувствуваме зависни од него, ја губиме самодовербата и веруваме дека без него не можеме да донесуваме добри одлуки.

  1. Не ви верува и ве контролира

Постојано  зборуваат како не ви веруваат и бараат увид во вашите профили на социјални мрежи, електронска пошта … ве контролираат секој ден, а ваквите потези обично се оправдани под изговор „дека луѓето кои се сакаат не смеат да имаат ништо приватно или тајно едни пред други“.

  1. Не ги признаваат своите грешки

Кога ќе им кажете за нивните грешки, тие никогаш не ги признаваат.

Потоа, тие менуваат теми, објаснуваат како не сте во право и ќе сторат сè за да ве убедат во спротивното. Честопати започнувате дискусија обвинувајќи ги за некоја грешка, а завршувате со чувство на вина со извинување за своите постапки.