Жртвата неколку моменти претходно излегла од продавница во Орландо, Флорида, од каде подигнала пари, а потоа се упатила кон својот автомобил.
Бабата се уште не влегла во возилото кога ѝ пришол млад човек и се обидел да ѝ ги грабне парите од раце, пренесува Мирор.
„Никогаш не сум била удрена. Изразот на неговото лице покажа дека е подготвен. Ми ги зеде парите и побегна“, рече таа подоцна.
На снимката од надзорните камери се гледа дека менаџерот на ресторанот се обидел да го совлада разбојникот, поточно да го отстрани од 83-годишната жена, но безуспешно.
Откако ја соборил на асфалтот, несреќната жена останала со повредена рака.
За немилиот настан била известена полицијата и веднаш била организирана потера. Насилникот бил идентификуван и лоциран во куќата на неговата мајка. Тој планирал да побегне во Доминиканската Република, но бил уапсен.
Властите го товарат за грабеж, како и за поседување кокаин и други недозволени супстанци.
Подоцна е објавено дека жената добила 200 долари на лотарија. Еден ден подоцна, таа се вратила на локацијата во Орландо, каде што добила подарок сертификат од 250 долари, како и лото ливчиња.
© Vecer.mk, правата за текстот се на редакцијата
