Почесниот претседател на СПС, Милутин Мркоњиќ, кој ќе биде погребан во Алејата заслужни граѓани на белградските Нови гробишта, ќе почива недалеку од својот повеќедецениски пријател и пејач Шабан Шаулиќ.
Инаку Мркоњиќ кој ќе биде погребан утре, ќе биде во ист ред со поранешниот партиски другар и некогашен претседател на Претседателството на СФРЈ, Борисав Јовиќ. Во истиот ред, покрај Јовиќ, се наоѓа и гробот на убиениот политичар од Косово и Метохија – Оливер Ивановиќ.
Во Алејата на заслужни граѓани каде што ќе биде погребан Мркоњиќ се и глумците Небојша Глоговац, Миодраг Манда Мандиќ како и легендарниот пејач на народна музика Прдраг Гојковиќ Цуне.