Поради епидемијата на коронавирус, компанијата во која работела Карла Акухата од Нов Зеланд морала да го намали својот буџет.Па така, Карла била приморана да работи повеќе и била постојано изложена на стрес. Таа нагло и се здебелила.
Мислејќи дека зголемената тежина е резултат на константниот стрес кој го имала, Карла го игнорирала фактот дека можеби е бремена. Но едно попладне во својата бања животот и се променил нагло.
– Почувствував чудни грчеви и истрчав до бањата. Чувствувајќи го мојот стомак и пределот околу него, почнав да се тресам. Ме фати паника кога сфатив дека јас ја допирам главата на бебето. Ништо не ми беше јасно. Мојот сопруг и јас бевме убедени дека на 41 -годишна возраст нема шанси повторно да забременам – вели мајката на едно момче.
Верувале или не, во рок од 15 минути откако открила дека е бремена, Карла родила друг син на подот од спалната соба.
– Бев убедена дека доцнењето на ментруалниот циклус е поврзано со стресот. Сепак, не бев во право. Синот Тамаранги е добро, жив и здрав. Од нигде никаде, повторно станав мајка – вели таа,
Таа и додава дека нејзината мајка често се шегувала дека јаде како да е бремена.
– Сега кога размислувам за тоа, имаше знаци дека сум бремена. Брзо изгубив волја и енергија, имав утринска мачнина и се здебелив неколку килограми. Меѓутоа, кога работите напорно како мене, тогаш само работата и стресот се на прво место. Така, по раѓањето, ја повикав мајка ми и и реков: „Мамо, знам дека се шегуваш, но си во право. Само што родив друго момче “. Се разбира, таа мислеше дека се шегувам – раскажува Карла.
