logo
logo
logo

Корисниците на Инстаграм избраа: Еве кои се најдобрите пет плажи во Европа

Vecer | 26.07.2021

Корисниците на Инстаграм избраа: Еве кои се најдобрите пет плажи во Европа

Британскиот портал „Money“ анализирал над 26 милиони хаштагови на Инстаграм, поврзани со плажите ширум светот, а податоците биле собрани во април оваа година за да се добијат најнови резултати.

Ова е листата од 5 најдобри плажи кои ги избрале корисниците на социјалните мрежи:

Тропеа, Италија

Тропеа е класично италијанско одморалиште пореполно со шарм, кое се наоѓа на Тиренското море. Оваа плажа уште ја нарекуваат и „Costa degli Dei“ односно Брег на боговите, што ја прави омилена дестинација кај туристите и локалното население. Додека им се препуштате на магиите на плажата и сонцето, опкружени сте со драматични карпи кои гледаат кон историскиот центар на градот со епски крајолик.

Навајо, Грција

Овој магичен дел од малото крајбрежје е познат и како плажа на бродоломите, а благодарение на еден насукан брод и добрата промоција, Навајо е една од најпознатите плажи на светот. Белиот песок, остатоците од бродот и карпите кои ја опкружуваат плажата создаваат незаборавна глетка.

Праја до Камило, Португалија

Праја до Камило е можеби и една од најпознатите плажи во Португалија. Златниот песок, кристално чистата и азурна вода се вистинска прилика за сите туристи кои сакаат нешто поинакво. Морето е прилично плитко, исклучително чисто и водата не е студена.

Кала Саона, Шпанија

Кала Саона е плажа која на туристите им нуди прилика да се сончаат и капат сè до 21 часот, кога сонцето започнува да се „одјавува“. Тука се најубави зајдисонцата, барем така велат, бидејќи сонцето и морето тогаш добиваат илјада нијанси.

Маргејт Бич, Англија

Ако треба да опишете традиционално британско летувалиште, плажата Маргејт е токму тоа. Оваа плажа е речиси безвременска, а особено се атрактивни штандовите со морски плодови, бројните ресторани и баровите сместени на самиот брег.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MEDIANET LTD Skopje Copyright © 2004-2024. Vecer.mk