Во Хоф, Баварија, на продавница се појави напис: „Пристап само за невакцинирани лица“. Според магазинот Феникс, со објавата на излогот, сопствениците на продавницата за традиционална облека во Хоф сакаат јасно да кажат кој е добредојден во нивната продавница: „Ве молиме за разбирање – пристап само за невакцинираните“.

Наводно со тоа тие сакаат да ја „заштитат“ својата специјализирана трговија, која ја водат од 2015 година.

– Се чувствуваме непријатно од луѓето кои се вакцинирани – изјави сопственикот Шулер во интервју за inFranken.de. Знакот виси на продавниците од минатиот вторник.

– Ние остануваме на нашето мислење, без оглед на тоа што другите мислат за него – потенцираше Шулер.

Тој додава дека не верува во вакцини против корона затоа што, како што вели, „не биле тестирани“.

Ние не веруваме во овој лек – вели тој.

Сопствениците тврдат дека ја преживеале пандемијата без инфекција и дека сакаат таа да остане така.

– Ние сме здрави веќе година и пол и сакаме да остане така – рече Шулер.

Според нив, нивната продавница речиси пропаднала поради пандемијата.

– Ние сме мала сезонска продавница и минатата година имавме пад на продажбата за 90 проценти – посочува сопственикот.

Сега кога им е овозможена работата, тие велат дека сакаат да испратат јасна порака за тоа што мислат.